Chennai Rains: மழை நேரங்களில் வாகனங்களைப் பாதுகாப்பதற்கான சில டிப்ஸ்!

*மழையில் எக்காரணம் கொண்டும் மரங்களுக்கு அடியில் வாகனங்களை பார்க் செய்யாதீர்கள். முக்கியமாக, கார்கள். விண்ட்ஷீல்டில் மரக்கிளைகள் விழுந்து கண்ணாடி உடைந்தால்… உள்ளே தண்ணீர் போகும் என்பதைத் தாண்டி, பெரிய செலவு காத்திருக்கிறது.

* பைக்குகளை சைடு ஸ்டாண்ட் போட்டே வைத்திருக்காதீர்கள். வலது பக்க ஹேண்டில்பார் வழியாக மழை நீர் கீழிறங்கி, கார்புரேட்டர் – மழை நீர் சேகரிப்புத் தொட்டியாகி விடும். Fi இன்ஜின் பைக்குகளில், இது ஃப்யூல் டேங்க் ஃப்ளோட்டுக்கு ஆபத்தை ஏற்படுத்தும். பேட்டரியின் டெர்மினல்களும் நிலைகுலைந்து, சீக்கிரமே ஆயுள் இழக்கும் அபாயமும் உண்டு. ஃவெயில் காலங்களில்கூட, சென்டர் ஸ்டாண்ட்தான் சிறந்த தீர்வு.

* தண்ணீர் இன்ஜினுக்குள் புகுவதை, ‘ஹைட்ரோ ஸ்டேட்டிக் லாக்’ என்று சொல்வார்கள். சைலன்ஸர் மூழ்கும் அளவுக்குத் தண்ணீரில் போனால்… நிச்சயம் Hydro Static Lockதான்.

* அப்போ, சைலன்ஸர் மூழ்கும் அளவு தண்ணீரில் போகவே முடியாதா என்றால்… இல்லை. ஆனால், வேண்டாம்.

மழை நேரங்களில் வாகனம் ஓட்டுவதற்கான டிப்ஸ்

மழை நேரங்களில் வாகனம் ஓட்டுவதற்கான டிப்ஸ்

*வேறு வழியில்லை என்றால்… பல டெக்னிக்குகளைக் கையாள வேண்டும். முதல் கியரிலேயே போக வேண்டும்; 10 – 15 கிமீ–ஐத் தாண்டக்கூடாது; க்ளட்ச்சில் இருந்து காலை எடுத்துவிட வேண்டும்; பிரேக்கில் கால் வைக்கவேகூடாது; கிராஜுவலான ஆக்ஸிலரேஷன் வேண்டும்.

* கார்/பைக் டயர்கள் சாலையில் படாமல் மழை நீரில் வழுக்கிக் கொண்டு போவதை ‘ஹைட்ரோ ப்ளானிங்’ என்பார்கள். ஈரமான சாலைகளில் வாகனங்களை மெதுவாக ஓட்டினால், இந்த ஹைட்ரோ ப்ளானிங் பிரச்னையைத் தவிர்த்து விடலாம். கார் எடை குறைந்ததுபோலவும், ஸ்டீயரிங் லைட்டாகவும் இருந்தால், நீங்கள் தண்ணீரில் மிதக்கிறீர்கள் என்று அர்த்தம். நீங்கள் ஃப்ரன்ட் வீல் டிரைவ் காரில் பயணிக்கிறீர்கள் என்றால், எந்தப் பக்கமாக கார் வழுக்கிக் கொண்டு திரும்புகிறதோ, அதே பக்கம் ஸ்டீயரிங்கை லேசாகத் திருப்பி ஆக்ஸிலரேட்டரை மிதமாக ரிலீஸ் செய்ய வேண்டும்.

Source link

Leave a Reply

Your email address will not be published. Required fields are marked *