“டோ பண்றதுக்கு 10,000 ரூபாய் கேட்கிறாங்க!” – புலம்பும் கார் உரிமையாளர்கள்! அப்போ என்னதான் பண்ண?

சென்னையில் உள்ள ஒரு டோ சென்டரின் மேனேஜர், ‘‘ஒரு மாதத்துக்கே 15 டோ கால்கள்தான் வரும். ஆனால், இப்போது ஒரு நாளைக்கே 150 கால்கள் வருகின்றன. ஒவ்வொரு இடங்களுக்கும் வண்டி அனுப்பி டோ செய்வதற்கு மிகவும் கஷ்டமாக இருக்கிறது. ஒரே நேரத்தில் 10 கார்களை அட்டெண்ட் செய்து கொண்டிருக்கிறோம். அதனால், மிகவும் சிக்கலான கட்டத்தில் எங்களுக்கும் டிரைவர்கள், வண்டிகள் போன்றவை டிமாண்டாக இருக்கின்றன!’’ என்கிறார். 

‘‘என்னோட ஹூண்டாய் கார் வெள்ளத்தில் பாதி முங்கிடுச்சு. ஹூண்டாய் சென்டருக்கே போன் பண்ணினேன். அவங்களே டோவுக்கும் ஏற்பாடு பண்ணிட்டாங்க. ஆனால், கொஞ்சம் டைம் எடுக்குது’’ என்றார் ஒரு வாடிக்கையாளர். ஆத்தரைஸ்டு சர்வீஸ் சென்டர்கள் மூலமே டோ செய்வதற்கு ஏற்பாடு செய்வதும் ஒரு வகையில் நல்ல ஐடியாதான்.

வெள்ளத்தில் மூழ்கிய டூவீலருக்கு…

  1. பைக்குகள் வெள்ளத்தில் மூழ்கிவிட்டால், ரொம்பவும் பயப்படத் தேவையில்லை. பைக்கை மறந்துபோய் சாவியைப் போட்டு ஸ்டார்ட் செய்ய முயற்சி செய்யாதீர்கள். இதையும் டோ செய்து மெக்கானிக் ஷெட்டுக்கு எடுத்துப் போய் விடுங்கள். 

  2. சில பைக்குகளுக்கு ஆயில், பெட்ரோலை டிரெயின் செய்துவிட்டு, வழக்கமான ரெகுலர் சர்வீஸ் செய்தால்… புது பைக் போல் ஆகிவிடும்.

  3. இன்னும் சில பைக்குகளை டேங்க் மற்றும் சைலன்ஸரை டிரெய்ன் செய்து, இன்ஜின் ஆயிலையும் டிரெய்ன் செய்து, க்ளட்ச் கேபிள்கள் மாற்றி, செயின் ஸ்ப்ரே அடித்தாலே ரெடியாகிவிட வாய்ப்பு இருக்கிறது. 

  4. முக்கியமாக, பைக்கை ஸ்டார்ட் செய்ய முயன்றுவிட்டு, இன்ஷூரன்ஸ் க்ளெய்ம் வரை போய் அவஸ்தைப்படாதீர்கள்!

Source link

Leave a Reply

Your email address will not be published. Required fields are marked *