ஊரை பாதுகாத்த காவலாளிக்கு கோவில் கட்டிய கிராமம்… இன்றும் காவல் காப்பதாக நம்பிக்கை

இந்தியாவில் இந்து, இஸ்லாம், கிறித்துவம், பவுத்தம், சமணம் போன்ற பல மதங்களின் கூடல் இடமாக உள்ளது. அதே போல எல்லா மதத்தின் வழிப்படுத்த தளங்களும் இங்கு உள்ளன. கோவில்கள் இறைவனை மட்டும் வணங்கும் இடமாக இல்லாமல் பல கலாச்சார பாரம்பரியத்தின் பிரதிநிதிகளாக நிற்கின்றன. தனது வித்தியாசமான நம்பிக்கைகளால் பல கோவில்கள் பிரபலமாக உள்ளன.அப்படியான ஒரு கோவில் பற்றி தான் சொல்ல இருக்கிறோம்.

சுதந்திரத்திற்கு முன்பும் சுதந்திரத்திற்கு பின்பும் தீண்டாமை என்பது ஒரு பாவச்செயல், எந்த மதத்தின் வழக்கத்திற்கு உள்ளும் அணைத்து தரப்பு மக்களும் அனுமதிக்கப்படவேண்டும் என்பது கடைபிடிக்கப்பட்டு வருகிறது. ஆனால்  இன்றும் ஒரு சில கோவில்களில் ஆண்களுக்கு அனுமதி இருப்பது இல்லை. ஒரு சில கோவிலில் பெண்களுக்கு அனுமதி இருப்பதில்லை.

அநேக கோவில்கள் இப்படி இல்லை என்றாலும் குறிப்பிட்ட சில கோவில்கள் இதை தங்கள் பாரம்பரியமாக வைத்துள்ளது. அப்படி இந்தியாவின் கர்நாடகாவில் பெலகாவி மாவட்டத்தில் கானாபூர் தாலுகாவில் உள்ள சங்கர்கலி கிராமத்தில்  உள்ள பெண்களை அனுமதிக்காத கோவிலை பற்றி தான் உங்களுக்கு சொல்ல இருக்கிறோம்.

பொதுவாக கோவில் என்றால் தெய்வங்களுக்கு தான் அர்ப்பணிக்க பட்டு இருக்கும். ஆனால் இந்த கோவில் சுமார் ஆறு தசாப்தங்களுக்கு முன்னர் சங்கர்காலியில் இரவுக் காவலராகப் பணியாற்றிய ரவல்கட்டா பாபாவிற்கு அர்ப்பணிக்கப்பட்ட  கோவில் ஆகும். அதோடு இந்த கோவிலில் வரலாற்றுச் சிற்பங்களோ, ஆடம்பரமான கட்டிடக்கலைகளோ இல்லை. மிக எளிமையான ஒன்றாக இருக்கிறது.

இந்த கிராமம் வனப்பகுதிக்கு அருகாமையில் இருப்பதால் விலங்குகள் தாக்குவது அடிக்கடி நிகழும் போது கிராமத்தின் வீடுகளையும் மக்களையும் பாதுகாத்த ரவல்கட்டா பாபா நினைவாக தான் இந்த கோவில் எழுப்பப்பட்டதாம்.ஆனால். இன்றுவரை, ரவல்கட்டா பாபா எப்போது வாழ்ந்தார் என்பது கிராமத்தில் யாருக்கும் சரியாகத் தெரியாது.

கோயில் மற்றும் சடங்குகள் தங்களுக்கு நினைவு தெரிந்த காலத்தில் இருந்து இருந்ததாக கிராம மக்கள் கூறுகிறார்கள். இதனால், அதைத் தொடர முடிவு செய்து இப்போதும் கடைபிடித்து வருகின்றனர். ராவல்கட்டா பாபாவின் வாழ்க்கையைச் சுற்றி நிறைய புராணக் கதைகள் உள்ளன. இந்த புனைவுகளில் ஒன்று ஆபத்தில் இருந்த  ரயிலை அவர் வெற்றிகரமாக நிறுத்தி பல உயிர்களை காப்பாற்றியதாக இருக்கிறது.  ஒரு மனிதன் இங்கு இருந்து எப்போது மக்களைப் பாதுகாக்கிறான் என்ற நம்பிக்கை அதிகமாக உள்ளது.

இந்த கோவிலுக்கு வரும் பக்தர்கள் கடைப்பிடிக்க வேண்டிய சில விதிகள் உள்ளன. ஆண்கள் வளாகத்திற்குள் நுழைந்து பிரார்த்தனை செய்யலாம், ஆனால் அவர்கள் அதை பூசாரி முன்னிலையில் சத்தமாக செய்ய வேண்டும். பெண்களுக்கு உள்ளே செல்ல அனுமதி இல்லை. அதே போல இங்கு தரப்படும் பிரசாதத்தை வீட்டிற்கு எடுத்துச் செல்ல அனுமதிக்கப்படுவதில்லை.

பழங்காலத்திலிருந்தே இந்த விதிகள் எவ்வாறு பின்பற்றப்படுகின்றன என்பது கிராமத்தில் யாருக்கும் தெரியாது, ஆனால் இப்போது, ​​இது கிட்டத்தட்ட ஒரு பாரம்பரியமாக மாறியதால், மக்கள் அதை இப்போதும் கேள்வி ஏதும் கேட்காமல் பின்பற்றி வருகின்றனர்.

திருக்குறளை எப்படி கேட்டாலும் சொல்வேன்… கோவை சிறுவனின் அசாத்திய திறமை.!

கிராமவாசிகள்  கூறுகையில், “பாபா ஒரு கையில் குச்சியும், மற்றொரு கையில் மண்ணெண்ணெய் விளக்கையும் ஏந்தியபடி கிராமத்தில் சுற்றி வருவதாகவும் . அவரது தடியில் சிறிய மணிகள் கட்டப்பட்டிருக்கும் என்றும் கூறுகின்றனர்.  தினமும் மதியம் ரயிலில் வந்து, இரவில் கிராமத்தைக் கவனித்துவிட்டு, காலையில் திரும்புவார். கிராமத்தில் உள்ள பல வீடுகள் பௌர்ணமி மற்றும் அமாவாசை நாட்களில் வீடுகளின் கதவுகளை திறந்து வைத்தே தூங்குவதாக தெரிவிக்கின்றனர்.

Source link

Leave a Reply

Your email address will not be published. Required fields are marked *